मी न सांगता कळून घ्यावे हि अपेक्षा जरूर असावी.
पण माझ्या अपेक्षांचे काय?
कि रोजच्या माझ्या रागाचेही तुला व्यसन जडलेय.....!!!
माझ्या हट्टानाही राग समजत आलास,
आठव ते दिवस, माझ्या रागालाही हट्ट समजायचास ....
मी फुलं मागण्या आधीच वेली रुजवायचास, 
चांदणं मागण्या आधीच क्षितीज सजवायचास ...
श्वास घेण्या आधीच पावा वाजवायचास,
अपुऱ्या प्रहरी सांजवायचास, 
मृगाआधी रोहिणी भिजवायचास...

आज तुझा पावा अबोल, मी मात्र मुलुख मैदान..!!!!
तुझा मृग उगवेना, माझा ग्रीष्म अविरत?
चढणीचा सूर्य तळपुन गेला , तिसऱ्या प्रहरी जाताना आता ती तप्तता साहवेना...
आयुष्याची गोळाबेरीज करताना, बाकी थोडीतरी उरू दे,
शेवटचे वळण आलेय,
निवांत एकदातरी तुझ्या कुशीत शिरू दे......
निवांत एकदातरी तुझ्या कुशीत शिरू दे........
...(RJN)