१९५८ मध्ये आलेल्या 'सुखाचे सोबती' चित्रपटातील 'एका तळ्यात होती' या गीताची चाल आजच्या
विडंबनासाठी मी वापरीत आहे. गदिमा यांचे गीत, श्रीनिवास खळे यांचे संगीत आणि आशा भोसले यांचा अप्रतिम आवाज या गीताला लाभलेला आहे.
विडंबनाबद्दल बोलायचे तर सध्या फेसबुक, सोशल नेटवर्किंग साईटवर आपण खूप ग्रुप बनवतो. त्यात मग काही जण अद्मीन असतात आणि बाकीचे त्या ग्रुपचे मेंबर. ग्रुप म्हटले की अनेक मेंबर आणि त्यांच्या अनेक तऱ्हा ह्या आल्याच. पण काही काही मेंबरची नावे अशी काही असतात की ती व्यक्ती खरी कोण आहे हेच मुळी समजत नाही. हीच थीम / विषय आजच्या विडंबनाचा आहे.
एका तळ्यात होती बदके पिले सुरेख....
होते अकौंट खोटे, त्यांच्या मध्ये ही एक
कोणी न त्यास देई एक साधाही कमेंट
कोणा ही न संगे झाला त्याचा कधी समेट
एकटे पाडती त्याला, त्या ग्रुपचे काही लोकं
होते अकौंट खोटे, त्यांच्या मध्ये ही एक
बोले न तो कुणाशी, कविता करी जराशी
केली जरी हुशारी, बोले ना तो तयाशी
त्याच्यात काय होती अशी कोणती सणक
होते अकौंट खोटे, त्यांच्या मध्ये ही एक
एके दिनी परंतु अद्मीनला त्या कळाले
खवळले पित्त त्याचे, तोंडचे पाणी पळाले
भाळी उठले त्याच्या, काळजीचे भाव अनेक
खाते नसून होता, तो व्हायरस एक...
मिलिंद जोशी, नाशिक..................
वा मिलींद सुंदर विडंबन........
उत्तर द्याहटवाधन्यवाद सर..
उत्तर द्याहटवा